Дар вилояти Хатлон дар 5 соли оянда 365 муассисаи таҳсилоти томактабии хусусӣ сохта ба истифода дода мешаванд
Душанбе, 22.07.2016. /АМИТ «Ховар»/. Дар айни замон дар вилояти Хатлон 128 муассисаи томактабӣ фаъолият доранд, ки дар онҳо 15 987 нафар кӯдакон ба таълиму тарбияи томактабӣ фаро гирифта шудаанд. Ҳамчунин 728 Маркази инкишофи кӯдак бо фарогирии 16613 нафар кӯдакон фаъолият доранд, ки дар маҷмӯъ 32 600 нафар кӯдаконро ба таълиму тарбия фаро мегиранд.
Дар ин бора аз раёсати маориф дар вилояти Хатлон ба АМИТ «Ховар» иттилоъ доданд.
Ба иттилои манбаъ, барои беҳтар ба роҳ мондани фаъолияти муассисаҳои таълимии томактабӣ ва ҳарчи бештар фаро гирифтани кӯдакон ба онҳо нақшаи тадбирҳо ҷиҳати ташкили корҳои таблиғотӣ ва фаҳмондадиҳӣ ба роҳ монда шуда, корҳо дар ин самт идома доранд.
Тибқи қарори раиси вилояти Хатлон дар бораи нақшаи чорабиниҳо оид ба татбиқи «Барномаи рушди муассисаҳои таҳсилоти томактабӣ ва миёнаи умумии хусусӣ барои солҳои 2014- 2020» ва нақшаи дурнамои таъсиси муассисаҳои таҳсилоти томактабӣ ва миёнаи умумии хусусӣ бояд дар вилоят то соли 2020 365 муассисаи таҳсилоти томактабии хусусӣ сохта ба истифода дода шаванд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
