Конибодом: дасти кумак дароз намудан ба бечорагон оини гузаштагон аст

Душанбе, 07.07. 2016 /АМИТ «Ховар»/. Дар арафаи Иди саиди Фитр аз ҷониби роҳбарияти шаҳри Конибодом, ташкилоту муассисаҳо, саховатмандон, имомхатибон, вакилони маҷлисҳои шаҳриву вилоятӣ ва дигар одамони хайрхоҳ зиёда аз ҳазор нафар шахсони маъюбу ниёзманд, ятиму бепарастор ва оилаҳои камбизоат аёдат карда шуда, ба онҳо кумакҳои моддӣ, орду равған, биринҷ ва дигар  маводи озуқа расонида шуд.
Аёдатшудагон аз дастгириву ғамхориҳои пайвастаи Ҳукумат ва хусусан Асосгузори сулҳу Ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон шод гашта, арзи миннатдорӣ карданд.