Кумаки хайриявии Вазорати тандурустӣ ва ҳифзи иҷтимоии аҳолии ҶТ ба хона-интернатҳо
Душанбе, 01.07.2016 /АМИТ «Ховар»/. Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар маҷлиси навбатии Ҳукумати Ҷумҳурии Тоҷикистон ба аъзои Ҳукумат, роҳбарони тамоми вазорату идораҳо ва ташкилоту муассисаҳои давлатӣ, хизматчиёни давлатӣ ва дигар мансабдоронро супориш дод, ки дар рӯзҳои моҳи шарифи Рамазон ва Иди саиди Фитр, фитри рӯза ва хайроти худро ба ятимону бепарасторон, маъюбон, эҳтиёҷмандон, оилаҳои камбизоат ва оилаҳои бар асари офатҳои табиӣ зарардидаи шаҳру ноҳияҳои мамлакат диҳанд.
Бо ин мақсад, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар якҷоягӣ бо Вазорати меҳнат, муҳоҷират ва шуғли аҳолии Ҷумҳурии Тоҷикистон тасмим гирифтанд, ки ба тамоми хона интернатҳое, ки дар зери сохтори ин вазоратҳо ҳастанд кумак расонанд.
Тавре ки дар суҳбат бо хабарнигори АМИТ «Ховар» муовини Вазири тандурустии мамлакат Наврӯз Ҷаъфаров иттилоъ дод, баъд аз амри Президенти мамлакат мо тасмим гирифтем, ки кумаки иҷтимоиро, ки аз маводи хӯрока иборат аст, ба хона- интернатҳои ноҳияи Ҳисор, Бохтар, шаҳри Турсунзода, Чорбоғи ноҳияи Варзоб, ноҳияи Восеъ ва беморхонаи клиникавии ноҳияи Рӯдакӣ расонем.
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
