Кумитаи давлатии идораи замин ва геодезии ҶТ назоратро оид ба риояи қонунгузории замин ва самараноку оқилона истифода бурдани майдонҳо пурзӯр намуд
Душанбе, 18.07.2016. /АМИТ «Ховар»/. «Кумитаи давлатии идораи замин ва геодезии Ҷумҳурии Тоҷикистон ва мақомоти он дар маҳалҳо назоратро оид ба риояи қонунгузории замин ва самараноку оқилона истифода бурдани майдонҳо дар нимсолаи аввали соли ҷорӣ боз ҳам пурзӯр намуда, 7024 ҳолати вайронкунии қонунгузории заминро ошкор кард»,-зикр намуд зимни нашасти матбуотӣ раиси Кумитаи давлатии идораи замин ва геодезии Ҷумҳурии Тоҷикистон Раҷаббой Аҳмадзода.
Инчунин зикр гардид, ки барои бартараф намудани ҳолатҳои вайронкунии қонунгузории замин нисбат ба 6576 ҳолат дастур дода шуда, нисбат ба 4828 ҳолат протоколҳои ҳуқуқвайронкунии маъмурӣ тартиб дода шудаанд. Нисбат ба 4828 ҳолатҳо қарорҳои ҷаримабандӣ ба маблағи 1 млн 476 ҳазору 680 сомонӣ қабул карда шудаанд, ки аз ин 1 млн. 44 ҳазору 384 сомонӣ ба суратҳисоби махсус ворид карда шудааст.
Бояд гуфт, ки барои додани баҳои ҳуқуқӣ 305 мавод ба прокуратура, 374 мавод барои ба таври маҷбурӣ ситонидани маблағи ҷаримаҳо ба судҳо ирсол карда шуда, 4479 ҳолати вайронкунии қонунгузории замин дар майдони 3495,81 гектар замин бартараф карда шудаанд.
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
