Мусофирони «Ренҷровер» мусофирони «Тайота-Прадо»-ро ғорат намуданд

Душанбе, 22.07.2016. /АМИТ «Ховар»/. Ба ШВКД дар ноҳияи И.Сомонӣ марди 32-солаи сокини шаҳри Душанбе муроҷиат намудааст, ки шаби 31 апрел ба 1 майи соли равон, ҳангоми аз шаҳри Дубайи Аморати Муттаҳидаи Араб ба Ҷумҳурии Тоҷикистон баргаштанаш аз фурудгоҳи шаҳри Душанбе шахсони номаълум бо мақсади ба даст овардани молу мулки ғайр ба воситаи мошини тамғаи «Ренҷровер» мошини онҳо тамғаи «Тайота-Прадо»-ро  думболагирӣ намуда, дар назди тарабхонаи «Шаҳрисабз», воқеъ дар кӯчаи М.Турсунзодаи шаҳри Душанбе, онҳоро боздошт намуданд. Сипас, бо истифодаи силоҳи сард (корд) таҳдид карда, бо роҳи зӯроварӣ аз онҳо 600 доллари амрикоӣ ва 2 телефони мобилии тамғаи «Айфон-6»-ро тасарруф намуда, аз ҷои ҳодиса ғайб задаанд.
Кормандони милитсия ҷавони 22-солаи сокини шаҳри Ваҳдат ва ҷавони 25-солаи сокини шаҳри Душанберо бо гумони  содир намудани ҷинояти роҳзанӣ дастгир карданд.
Аз рӯи ин ҳодиса парвандаи ҷиноятӣ оғоз гардида, тафтишот давом дорад.