Роҳбарони вазорату идораҳои ваколатдори пешгирӣ ва рафъи ҳолатҳои фавқулодаи кишварҳои хориҷӣ дар Душанбе ҷамъ меоянд

Июль 8, 2016 11:15

Душанбе, 08.07.2016. /АМИТ «Ховар»/. Бо мақсади татбиқ намудани тавсияҳои «Барномаи қолабии Сендай  оид ба паст кардани хавфи офатҳои табиӣ дар солҳои 2015-2030» рӯзҳои 12 — 14 июли соли  2016 дар шаҳри Душанбе ҷаласаи якуми Платформаи минтақавии кишварҳои Осиёи Марказӣ ва Қафқоз оид ба паст кардани хатари офатҳои табиӣ баргузор мегардад.
Дар ин бора ба АМИТ «Ховар» афсари калони Хадамоти матбуотии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон Умеда Юсупова иттилоъ дода, зикр намуд, ки дар конфронс роҳбарони вазорату идораҳои ваколатдор дар бахши пешгирӣ ва рафъи ҳолатҳои фавқулоддаи ҷумҳуриҳои Тоҷикистон, Озарбойҷон, Арманистон, Қазоқистон, Қирғизистон, Ӯзбекистон ва Туркманистон, инчунин намояндагони вазоратҳои маориф, меҳнат ва рушди иҷтимоӣ, корпусҳои дипломатӣ, созмонҳо ва муассисаҳои Созмони Милали Муттаҳид ва мушовири Дабири кулли СММ оид ба ҳолатҳои фавқулодда ширкат меварзанд.
Ба иттилои У.Юсупова, дар рафти конфронси масъалаҳо  оид ба ҳамкории минтақавӣ дар самти паст намудани хавфи офатҳои табиӣ ва қабули қарорҳои муҳим барои вокуниши саривақтӣ ва пешгирии офатҳои табиӣ ва техногенӣ дар минтақаи Осиёи Марказӣ ва Қафқоз дар доираи «Барномаи қолабии Сендай  оид ба паст кардани хавфи офатҳои табиӣ дар солҳои 2015-2030» мавриди муҳокима ва баррасии иштирокдорон қарор дода мешаванд.
Хотиррасон мешавем, ки «Барномаи қолабии Сендай  оид ба паст кардани хавфи офатҳои табиӣ дар солҳои 2015-2030» моҳи марти соли 2015 дар Япония қабул карда шуд. Пеш аз ин «Барномаи  Хиого  барои солҳои 2005-2015» амал мекард ва барномаи кунунӣ идомаи барномаи Хиого мебошад.

Июль 8, 2016 11:15

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд