Шукронаи 5-сола чемпиони Тоҷикистон оид ба шашка гардид
Душанбе, 28.07.2016. /АМИТ«Ховар»/. Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба муносибати 25-солагии Истиқлолияти давлатӣ дар шаҳри Душанбе Мусобиқаи ҷумҳуриявӣ оид ба шашка доир гардид.
Мусобиқа, ки беш аз 130 варзишгарро дар шаҳри Душанбе ба ҳам оварда буд, анҷом ёфт. Пас аз чанд рӯзи рақобат беҳтарин бозингарон муайян гардида, бо медалу ифтихорномаи мусобиқа сарфароз гардонида шуданд.
Шукрона Саидоваи 5-сола хурдарин варзишгаре буд, ки унвони чемпиони Тоҷикистонро дар ин мусобиқа ба даст овард. Ба гуфти волидайни ӯ, Шукрона дар натиҷаи худомузӣ бозии шашкаро аз худ кардааст. Дар охирин рӯзи мусобиқа беҳтарин варзишгарон миёни писарон ва духтарон барои касби ҷойҳои ифтихорӣ байни ҳам рақобат намуданд. Дар мусобиқа иштироки духтарон чашмрас буд ва онҳо хостори ҳарчи бештар баргузор шудани ин гуна мусобиқот буданд. Баргузории чунин мусобиқаҳо барои рушди зеҳнии наврасону ҷавонони тоҷик мусоидат хоҳад кард.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
