ҶСК «Хоҷа Муъмин»: калонтарин корхонаи истеҳсолкунандаи намак дар ноҳияи Восеъ
Душанбе, 09.07.2016. /АМИТ «Ховар»/. Ҷамъияти саҳҳомии кушодаи «Хоҷа Муъмин» калонтарин корхонаи истеҳсолкунандаи намак дар ноҳияи Восеъ маҳсуб мешавад. Корхонаи мазкур дар доманаи кӯҳи намаки Хоҷа Муъмин, 5 километр дур аз шаҳраки Восеъ воқеъ гардидааст.
Ҷамъияти мазкур ба истеҳсоли намаки ошӣ машғул буда, бо дастгоҳҳои навтарин муҷҷаҳаз гардонида шудааст. Маҳсулоти корхона асосан барои содирот истеҳсол карда мешавад ва дар айни ҳол нақшаи содироти намак барои панҷ моҳи соли равон таъмин карда шудааст.
Дар корхона ҷамъоварии ҳосили намакро аз моҳи июл оғоз намуда, имсол онро бо усули нав ҷамъ меоваранд. Бо ин мақсад дар корхона ҳавзҳо сохта, барои ҷамъоварии ҳосили намак омода намудаанд. То ин вақт намак дар палҳо ҷамъоварӣ карда мешуд. Ин палҳо ҳам баъди бозсозӣ истифода карда мешаванд, аммо барои нигоҳ доштани сифати намак замини онро бо плёнка пӯшонда, сипас, обро ба пал сар медиҳанд.
Маъмурияти Ҷамъияти саҳҳомии кушодаи «Хоҷа Муъмин» дар баробари истеҳсоли намаки босифат, барои оқилона истифода намудани замин имсол дар майдони 2 гектар боғ бунёд намуда, зиёда аз 2 ҳазор дарахтони мевадиҳанда шинонда, замини байни қатораҳои боғро барои кишти зироатҳои полезӣ истифода намуданд.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
