Суғд: соҳибкорони Хуҷанду Нижегородск ба ҳамкорӣ омодаанд
Душанбе, 25.07.2016. /АМИТ «Ховар»/. Дар «Кохи Рӯдакӣ»-и шаҳри Хуҷанд вохӯрии соҳибкорони ватанӣ бо соҳибкорони вилояти Нижегородски Федератсияи Русия доир гардид. Ба меҳмонон дар бораи вазъи иқтисодиву иҷтимоӣ, рушду такомули соҳаи саноати шаҳри Хуҷанд, аз ҷумла саноати хӯроквориву бофандагӣ, рушди соҳаи туризму варзиш маълумот дода шуд.
Вазири саноат, савдо ва соҳибкории ин вилоят Евгений Люлин омодагиро барои ҳамкории минбаъда дар соҳаҳои саноати мошинасозӣ, тайёрасозӣ, киштисозӣ, саноати кимиёвӣ, радиоэлектроника, соҳаи металлургӣ ва туризм баён намуда,
соҳибкорони хуҷандиро ба ҳамкории судманд даъват намуд.
Соҳибкорони тоҷик, аз ҷумла муассиси ҶСК «Силкоат-боя» Дадохон Очилов, намояндаи ҶСК «Дӯсти Амирхон» Домуллоҷон Ҷабборов, директори ҶСК «Таҷпроф» Ҷамшед Ҷалолов, директори ҶСК «Сатн» Илҳом Бобоев, иҷрокунандаи вазифаи директори шуъбаи фурӯши ширкати «Группа ГАЗ» Евгений Носов, директори генералии ООО «НПО Гидравликаи саноатӣ» Юрий Шишулин, директори тиҷоратии ООО «Технологияҳои нави саноатӣ» Владимир Румянцев оид ба маҳсулоти истеҳсолшуда ва аз тасмими ҳамкорӣ ба ҳозирин иттилоъ доданд.
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
