7 нафар сардорони ситодҳои минтақавии Кумитаи ҳолатҳои фавқулода ва мудофиаи гражданӣ аз вазифа барканор шуданд

Октябрь 17, 2016 16:57

Душанбе, 17.10.2016 /АМИТ «Ховар»/. Дар ҷаласаи ҷамъбасти нуҳмоҳаи соли равон 7 нафар аз сардорони ситодҳои минтақавии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон барои камбудиҳо дар кор аз вазифа барканор шуданд.
Тавре ба АМИТ «Ховар» аз маркази матбуоти кумитаи мазкур хабар доданд, дар ҷаласа ду масъала- натиҷаи тафтиши фаъолияти ситодҳои КҲФ дар давраи ҳисоботӣ ва омодагии воҳидҳо ва қисмҳои ҳарбии Кумита дар давраи зимистон баррасӣ шуданд.
Муовини раиси Кумита, полквник М.Салимзода зикр намуд, ки гурӯҳи корӣ аз 15-уми сентябр то 5-уми окттябр фаъолияти ҳамаи ситодҳоро омӯхта, як қатор камбудиҳоро дар фаъолияти ситодҳои вилоятӣ, шаҳрӣ ва ноҳиявии КҲФ ошкор намуд.
Аз рӯйи натиҷаи тафтиш ва қарори коллегия барои камбудиҳо дар кор сардорони ситодҳои ноҳияи Шуғнони ВМКБ, Дӯстӣ, Шамсиддини Шоҳин, Темурмалик, Балҷувони вилояти Хатлон, Сангвор ва Фирдавсӣ аз кор барканор карда шуданд.
Як гурӯх кормандони масъул барои камбудиҳо дар фаъолияти фаврӣ-хидматӣ ва нишондодҳои пасти фаъолияти хидматӣ ба ҷавобгарии интизомӣ кашида шуданд.
Дар мавриди омодагӣ ба зимистон зикр гардид, ки дар маҷмӯъ, ҳамаи воҳидҳои сохтории КҲФ ба давраи тирамоҳ ва зимистон омодаанд. Бо ин мақсад барои мошинҳо маводи сӯхт харидорӣ шуда, ба миқдори зарурӣ ангишт ва ҳезум барои қисмҳои ҳарбӣ захира ва сарбозону афсарон бо либоси зимистона ва ғизо таъмин карда шудаанд.

Октябрь 17, 2016 16:57

Хабарҳои дигари ин бахш

«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад