Абдуллоҳ Маътуқ ал – Маътуқ: «Ҳамкориҳои дуҷонибаи Ҷумҳурии Тоҷикистон ва Давлати Кувайт мутақобилан судманд мебошанд»
Душанбе, 26.10.2016 /АМИТ «Ховар»/. «Ҳамкориҳои дуҷонибаи Ҷумҳурии Тоҷикистон ва Давлати Кувайт мутақобилан судманд мебошанд. Пеш аз ҳама, онҳо дар заминаи санадҳо ва созишномаҳои дуҷонибаи ҳамкорӣ асос ёфтаанд. Мо умедворем, ки ин ҳамкориҳо дар оянда низ рушд хоҳанд кард», — гуфт пас аз мулоқот бо Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Мушовири Девони Амири Давлати Кувайт, Раиси фонди байналмилалии хайрияи исломӣ, намояндаи Дабири кулли СММ оид ба корҳои башардӯстӣ доктор Абдуллоҳ Маътуқ ал – Маътуқ.
Ба гуфти Абдуллоҳ Маътуқ ал – Маътуқ ҳамкориҳои дуҷонибаи минбаъда самтҳои сармоягузорӣ, рушди тандурустӣ, маориф ва кумакҳои башардӯстонаро фаро хоҳанд гирифт, то мо тавонем ба мардуми тоҷик кумакҳои башардӯстона расонем.
Кувайт аз нахустин кишварҳои арабӣ аст, ки истиқлолияти давлатии Ҷумҳурии Тоҷикистонро эътироф кард ва 31 марти соли 1995 байни Ҷумҳурии Тоҷикистон ва Давлати Кувайт робитаҳои дипломатӣ барқарор шуданд. Ибтидои таърихи алоқаҳои наздики Тоҷикистону Кувайт аз нахустин сафари Президенти Ҷумҳурии Тоҷикистон ба Давлати Кувайт, ки 17-19 апрели соли 1995 сурат гирифт, сарчашма мегирад.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
