Ҳадафҳои минбаъдаи рушди ҳамкории иқтисодию тиҷоратии Тоҷикистону Чин муайян шуданд
Душанбе, 15.10.2016 /АМИТ «Ховар»/. Дар доираи ҷаласаи ҳаштуми Комиссияи муштараки Тоҷикистону Чин оид ба ҳамкории тиҷоратию иқтисодӣ ба иштирокдорони ҷаласа дар бораи вазъи микроиқтисодӣ, иқдомҳои мусбат дар гузаронидани ислоҳоти иқтисодӣ ва таъсири онҳо ба беҳтаршавии иқлими сармоягузорӣ дар Тоҷикистону Чин маълумот дода шуд. Тавре АМИТ «Ховар» қаблан иттилоъ дода буд, дирӯз дар Душанбе бо мақсади рушди муносибатҳо байни Ҷумҳурии Тоҷикистон ва Ҷумҳурии Мардумии Чин ҷаласаи ҳаштуми Комиссияи муштараки Тоҷикистону Чин оид ба ҳамкории тиҷоратию иқтисодӣ баргузор гардид.
Зимни ҷаласаи мазкур ҷонибҳо оид ба масъалаи ҳамкории кунунӣ ва оянда мубодилаи афкор намуданд. Хусусан ба лоиҳаҳои муштарак, сармоягузорӣ ва рушди соҳибкорӣ таваҷҷуҳи хоса дода шуд. Тарафҳо муҳимияти густариши ҳамкорӣ дар соҳаҳои энергитика, саноат, истеҳсолот, кишоварзӣ, нақлиёт, логистика, меҳнат ва шуғли аҳолӣ, инчунин фаъолияти бонкиро таъкид намуданд.
Хотиррасон мекунем, ки ҳайати Ҷумҳурии Тоҷикистонро вазири рушди иқтисод ва савдо Неъматулло Ҳикматуллозода, ҳайати Ҷумҳурии Мардумии Чинро Фан Айтсин, муовини вазири тиҷоратии Чин роҳбарӣ намуданд.
Тавре аз вазорати рушди иқтисод ва савдо иттилоъ доданд, дар доираи ҷаласаи Комиссия ба татбиқи муқаррароти Протоколи ҳафтуми Комиссияи муштаракии Тоҷикистону Чин оид ба ҳамкории тиҷоратӣ, иқтисодӣ, илмӣ ва техникӣ, ки дар шаҳри Пекин соли 2015 баргузор гардида буд, баҳо дода шуда, ҳадафҳои минбаъда оид ба рушди ҳамкории иқтисодию тиҷоратӣ муайян карда шуданд.
Иқтидори кишоварзии Тоҷикистон дар доираи Конфронси 35-уми минтақавии ФАО дар Душанбе муаррифӣ карда шуд
Имрӯз дар баъзе аз шаҳру ноҳияҳои Тоҷикистон боридани борони бошиддат ва жола дар назар аст
Дар Балҷувон иқдоми «300 рӯзи ободонӣ» эълон гардидааст
Дар ноҳияи Ҷалолиддини Балхӣ нақшаи истеҳсоли пилла барзиёд иҷро гардид
Имрӯз дар баъзе ноҳияҳои Тоҷикистон борони бошиддат меборад
«МАЛАКАҲОИ КАСБӢ». Дар Душанбе даври дуюми ин фестивали ҷумҳуриявӣ доир шуд
Ҳифзи Ватан дар ҳар давру замон вазифаи муқаддас ва пуршараф ба ҳисоб меравад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Суғд масъалаи содироти маҳсулоти Тоҷикистон ба Озарбойҷон баррасӣ шуд
ТАЪСИСИ 500 ҶОЙИ НАВИ КОРӢ. Созишномаи сармоягузорӣ оид ба истифодаи панелҳои офтобӣ ба имзо расонида шуд
ПУРСИДЕД, ҶАВОБ МЕДИҲЕМ. Чӣ тавр пеш аз сафар ба Русия тавассути барномаи RuID дархост фиристодан мумкин аст?
25 сол дар алоқа: оид ба ивазшавии наслҳо, рақамикунонӣ ва корҳои муҳими ба чашм ноаён
