Ҳайати мақомоти гумруки Тоҷикистон ба Теҳрон рафт
Душанбе, 18.10.2016/АМИТ «Ховар»/. Пагоҳ дар Теҳрон иҷлосияи ҳафтуми роҳбарони мақомоти гумруки кишварҳои узви Созмони ҳамкории иқтисодӣ (ЭКО- ECO) оғоз меёбад.
Ҷумҳурии Тоҷикистонро дар иҷлосияи ҳафтуми роҳбарони мақомоти гумруки ЭКО Хуршед Каримзода, муовини аввали сардори Хадамоти гумруки назди Ҳукумати Ҷумҳурии Тоҷикистон намояндагӣ менамояд.
Интизор меравад, ки дар иҷлосияи ҳафтуми роҳбарони мақомоти гумруки кишварҳои ЭКО масоили марбут ба таҳкими ҳамкории гумрукӣ баррасӣ гардад.
Дар иҷлосия дар радифи ҳайатҳои баландпояи гумрукии кишварҳои ЭКО, инчунин иштироки намояндагони Созмони ҷаҳонии гумрук, Созмони байналмилалии ҳамлу нақли ҷодаӣ дар назар аст.
Ҳамзамон интизор меравад, ки дар доираи баргузории иҷлосияи ҳафтуми роҳбарони мақомоти гумруки кишварҳои ЭКО дар Теҳрон семинари омӯзишӣ бо ҳузури Серхио Мухика, муовини раиси Созмони ҷаҳонии гумрук ва мулоқоти роҳбарони мақомоти гумруки кишварҳои аъзои ЭКО доир гардад.
Созмони ҳамкории иқтисодӣ созмони минтақавӣ буда, соли 1985 таъсис дода шуда, алҳол даҳ кишвари ҷаҳон, назири Тоҷикистон, Афғонистон, Эрон, Покистон, Туркия, Ӯзбекистон, Қирғизистон, Қазоқистон, Туркманистон ва Озарбойҷонро дар худ муттаҳид менамояд. Қароргоҳи ЭКО дар Теҳрон воқеъ аст.
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
