Ҳалокати сокини ноҳияи Шаҳритус бар асари садамаи судя

Душанбе, 28.10.2016 /АМИТ «Ховар»/. 25- уми октябри соли равон, тахминан соати 22:15, ронандаи мошини тамғаи «Тойота-Камри», рақами қайди давлатиаш 0008ВЕ03, ки ба Сафаров Файзиддин Давлатович, соли таваллудаш 1983, судяи Суди ноҳияи Шаҳритус тааллуқ дорад, ҳангоми ҳаракат аз самти ноҳияи мазкур ба самти ноҳияи Қубодиён дар ҳудуди ҷамоати деҳоти Н.Хусрав, деҳаи Баҳористон, аз уҳдаи идораи воситаи нақлиёт набаромада, пиёдагард Назаров Рустам Раҳимович, соли таваллудаш 1965, сокини деҳаи мазкурро пахш намудааст.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, дар натиҷаи садамаи мазкур пиёдагард ҷароҳати гуногуни ҷисмонӣ бардошта, дар ҷои ҳодиса ба ҳалокат расидааст.