«Амонатбонк»-и шаҳри Ваҳдат 198 муҳоҷири меҳнатиро дастгирӣ кард

Ваҳдат, 21.10.2016 /АМИТ «Ховар»/. Филиали рақами 14-и «Амонатбонк»-и Ҷумҳурии Тоҷикистон дар шаҳри Ваҳдат дар асоси дастуру супоришҳои Ҳукумати Ҷумҳурии Тоҷикистон барои дастгирии муҳоҷирони меҳнатӣ, соҳибкорон, картошкапарварон ва деҳқонон дар соли равон ба 930 нафар сокини шаҳр ба маблағи 4 миллиону 481 ҳазору 647 сомонӣ қарзҳои имтиёзнок додааст. Аз ин ҳисоб 863 ҳазор сомонии он ба 198 муҳоҷири меҳнатӣ дода шудааст.
Имрӯзҳо мутахассисони бонки мазкур ба мизоҷон ба воситаи 20 постерминал хизмат мерасонанд. Тибқи иттилои масъулини Филиали рақами 14-и «Амонатбонк»-и шаҳри Ваҳдат кормандони соҳаҳои буҷетии шаҳр пурра бо корти паластикӣ таъмин гардида, 3 адад банкомати бонки мазкур дар хизмати сокинон қарор доранд.