«Ҷавонон-муҳофизи дастовардҳои даврони соҳибистиқлолӣ» — ҳамоиш дар шаҳри Кӯлоб
Душанбе, 8.10.2016 /АМИТ «Ховар»/. 7 октябри соли равон Маркази фарҳангии ҷавонони шаҳри Кӯлоб бо мақсади таҳкими ҳисси ватандӯстии ҷавонон, худшиносиву худогоҳӣ ва ифтихори миллӣ дар мавзӯи «Ҷавонон муҳофизи дастовардҳои даврони соҳибистиқлолӣ» мизи мудаввар орост.
Дар рафти чорабинӣ зикр карда шуд, ки имрӯз воқеияти зиндагӣ беш аз пеш талқин месозад, ки ҳар фарди бонангу номус, ватанхоҳу ватандӯст ва ҳимматбаланду саховатпеша бо эҳсоси баланди масъулиятшиносӣ, ҳисси баланди миллӣ, ватандӯстиву ватандорӣ саъю талош намуда, ба хотири рушду пешрафти Тоҷикистони соҳибистиқлол кӯшиш ба харҷ диҳад.
Ҳамчунин ҷавонон низ дар маърӯзаҳои худ иброз доштанд, ки бояд ҳар як шаҳрванди ватандӯст арзишҳои миллии худро эҳтиром намояд, вобаста ба дастовардҳои 25 соли Истиқлолияти давлатӣ арҷгузорӣ намуда, ба муқаддасоти Ватан эҳтироми воло гузорад.
Дар ин бора ба АМИТ «Ховар» аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд.
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
