Ба донишҷӯёни ДДТТ тарзи дурусти баҳодиҳии таблиғоти маводи доруворӣ фаҳмонида шуд
Душанбе, 27.10.2016 /АМИТ «Ховар»/. «Дору ва таблиғот»- таҳти ин мавзӯъ дар Маркази иттилоотӣ оид ба маводи доруворӣ (МИМД) барои донишҷӯёни бахши 2-и факултаи тиббии Донишгоҳи давлатии тиббии Тоҷикистон ба номи Абӯалӣ ибни Сино машварати омӯзишӣ гузаронида шуд. Дар ин бора аз Донишгоҳи давлатии тиббии Тоҷикистон иттилоъ доданд.
Бино ба маълумоти манбаъ, дар машварат оид ба мавзӯъҳои «Тарзи дурусти баҳодиҳии таблиғоти маводи доруворӣ» ва «Дар бораи таблиғоти маводи доруворӣ» иттилои муфассал дода шуд.
Бояд гуфт, ки донишҷӯёни донишгоҳ оид ба маводи доруворӣ танҳо дар бахши 3-юм дарс мехонанд. Аз ин рӯ мақсади ташкилкунандагони семинар шиносо намудани донишҷӯёни бахши 2 бо ин мавзӯъ буд.
-Мутахассисони марказ баҳри баланд бардоштани дониш аз усули интерактивӣ истифода мебаранд, ки барои донишҷӯён он хеле ҳам писанд аст,-хабар дод манбаъ.
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
