Баррасии масъалаи таъмини хонандагони қирғиззабон бо китобҳои дарсӣ

Душанбе, 20.10.2016 /АМИТ «Ховар»/. Дар доираи баргузории Машварати 6-уми вазирони маорифи кишварҳои Созмони ҳамкории Шанхай дирӯз дар шаҳри Душанбе вохўрии вазири маориф ва илми Ҷумҳурии Тоҷикистон Нуриддин Саид бо котиби давлатии Вазорати маориф ва илми Ҷумҳурии Қирғизистон Калисбек Шадиханов баргузор гардид.
Зимни нишаст ҷонибҳо масоили ҳамкории дуҷониба дар соҳаи маориф ва илмро мавриди баррасӣ қарор дода, вобаста ба фаъолияти шўроҳои диссертатсионӣ, гузариш ба қабул дар зинаи докторантура аз рўйи ихтисос PhD, зинаи таҳсилоти томактабӣ, ибтидоӣ ва миёнаи касбӣ мубодилаи донишҷўёну устодон дар риштаҳои бакалавр, магистратура, таҳқиқоти илмии муштарак ва таъмини хонандагони қирғиззабон бо китобҳои дарсӣ мубодилаи афкор намуданд.