Д. Гулмаҳмадзода: Вохӯрию суҳбатҳо барои қавӣ гардонидани дӯстии ҷавонон мусоидат менамоянд

Қӯрғонтеппа, 20.10.2016. /АМИТ «Ховар»/. Дар ҷаласаи Шӯрои кор бо ҷавонон, ки 19 октябри соли равон дар шаҳри Қӯрғонтеппа баргузор гардид, раиси вилояти Хатлон Давлатшоҳ Гулмаҳмадзода зикр кард, ки баргузории мулоқот бо ҷавонон баҳри мустаҳкам кардани алоқаҳои дӯстии ҷавонони минтақаҳои Тоҷикистон мусоидат мекунад.
Дар ҷаласа таъкид гардид, ки дар доираи нақшаи кор бо ҷавонон бахшида ба 25- солагии Истиқлолияти давлатии Ҷумҳурии Тоҷикистон имсол Форуми ҷавонон дар ноҳияи Ховалинг, вохӯриҳои ҷавонон дар шаҳрҳои Хоруғ, Хуҷанд, Кӯлоб ва Қӯрғонтеппа баргузор гардиданд.