Дарсҳои омӯзишии такмили ихтисоси ҳайати афсарони Кумитаи ҳолатҳои фавқулода оғоз шуд
Душанбе, 26.10.2016 /АМИТ «Ховар»/. Дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дарсҳои омӯзишӣ оғоз шуданд.
Тавре аз Кумита ба АМИТ «Ховар» хабар доданд, ҳадафи дарсҳо татбиқи амалии Созишномаи сеҷониба миёни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, Вазорати ҳолатҳои фавқулода, мудофиаи гражданӣ ва бартарафсозии оқибатҳои офатҳои табиии Федератсияи Русия, Созмони байналмилалии мудофиаи гражданӣ оид ба расонидани кумакҳои методӣ, ҳамчунин баланд бардоштани малакаҳо ва донишҳои кормандони КҲФ мебошад.
Дарсҳои омӯзишӣ то 30 октябри соли равон идома ёфта, ин давраи омӯзишӣ аз ҷониби омӯзгорони Академияи ҳифзи граждании ВҲФ Русия дар се самт: омодагии фаврӣ, масъалаҳо оид ба ҳимояи аҳолӣ ва ҳудуд ва омодасозии сокинон ба амалҳо дар ҳолатҳои фавқулода гузаронида мешаванд.
Бояд гуфт, ки дар дарсҳои омӯзишӣ афсарони дастгоҳи марказӣ ва воҳидҳои сохтории Кумита ширкат мекунанд.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
