Иштироки С.Аслов дар Конфронси байналмилалии Брюссел оид ба Афғонистон
Душанбе, 06.10.2016 /АМИТ «Ховар»/ . Ҳайати Ҷумҳурии Тоҷикистон бо роҳбарии Вазири корҳои хориҷии Ҷумҳурии Тоҷикистон Сироҷидин Аслов рӯзи 5 октябри соли 2016 дар Конфронси байналмилалии Брюссел оид ба Афғонистон, ки зери унвони «Шарикӣ баҳри шукуфоӣ ва сулҳ» бо ҳузури ҳайатҳои баландмақом аз 70 кишвари ҷаҳон ва беш аз 20 созмони байналмилалӣ ва минтақавӣ баргузор шуд, ширкат варзид.
Зимни ҷаласаҳои Конфронс атрофи мавзӯъҳои марбут ба татбиқи ислоҳот ва барномаҳои афзалиятнок, ки ба рушди иҷтимоию иқтисодӣ ва таъмини сулҳу субот дар Афғонистон ва инчунин тавсеаи ҳамкории минтақавӣ равона шудаанд, табодули назар сурат гирифт. Ба ин ҳадаф ҳамчунин тасвиби бастаи нави кумакҳои молии байналмилалӣ барои Афғонистон то соли 2020 баррасӣ шуд.
Сироҷидин Аслов дар суханронии хеш ҷонибдории Тоҷикистонро аз ташаббусҳои созандаи ҷомеаи ҷаҳонӣ ҷиҳати ҳалли мушкилиҳои Афғонистон иброз дошт ва бори дигар аҳамияти мубрами тарҳҳои зерсохторӣ ва истифодаи самараноки долонҳои нақлиётию транзитиро дар пешбурди талошҳои муштарак барои таъмини сулҳу суботи пойдор дар Афғонистон ва ҳамгироию амнияти минтақавӣ таъкид намуд.
Дар ҳошияи конфронси мазкур ҳамчунин тарҳҳои энергетикӣ ва нақлиётӣ, ки татбиқи онҳо дар Ҷумҳурии Тоҷикистон пешбинӣ шудаанд ва ба инкишофи иқтисодию иҷтимоии Афғонистон дар марҳалаи муосир таъсири матлуб мегузоранд, муаррифӣ шуданд.
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
