Конфронси илмӣ-амалӣ ба мавзӯи «Фалак» бахшида мешавад

Душанбе, 5.10.2016. /АМИТ «Ховар»/. Бахшида ба 25-солагии Истиқлолияти давлатии Ҷумҳурии Тоҷикистон 10 октябри соли равон дар Пажӯҳишгоҳи илмӣ-тадқиқотии фарҳанг ва иттилоот конфронси илмӣ-амалӣ дар мавзӯи «Фалак»-падидаи барҷастаи фарҳанги ғайримоддии мардуми тоҷик» баргузор мегардад.
Конфронс бо ибтикори Вазорати фарҳанги Ҷумҳурии Тоҷикистон гузаронида мешавад. Тавре аз Вазорати фарҳанг ба АМИТ «Ховар» иттилоъ доданд, дар конфронс дар мавзӯъҳои «Фалак» дар чорчӯбаи мусиқии асили нимпардагӣ», «Иҷрои «Фалак» дар дастаҳои ҳунарии созӣ», «Пажӯҳиши «Фалак» дар Тоҷикистон», «Мақоми сози ғижжак дар «Фалак», «Нақши «Рӯбоӣ» дар мусиқии халқӣ ва классикӣ», «Силсилаи лаҳнии «Фалак» ва «Мақоми «Фалак» маърӯзаҳо шунида мешаванд.