«Корвони саломатӣ»-и шаҳри Исфара ба ҷамоатҳо расид
Душанбе, 12.10.2016. /АМИТ «Ховар»/. Ҷиҳати таъмини ҳифзи сиҳатии омма, пешгирии бемориҳо ва баланд бардоштани сатҳи маърифати тиббии мардум бо иқдоми роҳбарияти беморхонаи марказии шаҳри Исфара дар шаҳраки Нефтобод ва ҷамоати деҳоти Хонобод «Корвони саломатӣ» ташкил карда шуд.
Ба корвони мазкур 40 нафар пизишкони соҳибтаҷриба аз беморхонаи марказӣ ва Маркази саломатии шаҳр муҷаҳҳаз бо тамоми дастгоҳу таҷҳизот ва лавозимоти ташхисӣ шомил буданд. Cардухтури беморхонаи марказии шаҳр Тайибиддин Муҳаммедов гуфт, ки «дар ин рӯз 1585 нафар сокинони шаҳраки Нефтобод ва ҷамоати деҳоти Хонобод ба таври ройгон қабул ва муоина карда шуданд, ки аз он 487 нафарашон кӯдакону наврасон, 118 нафарашон занони ҳомиладор ва 469 нафарашон занони қобили зоиш буданд».
Ҳамчунин 12 нафар духтурон бо 137 нафар занҳои хонашин ва муҳассилини мактабҳо мулоқот ороста, вобаста ба масъалаҳои муҳими ҳифзи сиҳатӣ маълумоти фаровон доданд.
Дар ин бора аз хадамоти матбуоти раиси вилояти Суғд ба АМИТ «Ховар» хабар доданд.
Пагоҳ дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
