Маҷаллаи «Хорпуштак» дарсҳои санҷиши маҳорат доир мекунад

Душанбе, 6.10.2016 /АМИТ «Ховар»/. Маҷаллаи ҳаҷвии «Хорпуштак» тасмим гирифтааст имрӯз, 6 сентябр дар даромадгоҳи бинои Маҷмааи табъу нашри «Шарқи озод» чорабинии фарҳангиро таҳти унвони «Санҷиши маҳорат» баргузор намояд.
Ҳамоиш ба муносибати 90- солагии маҷаллаи мазкур ва ҷалби рассомон-ҳаҷвнигорон (карикатуристон)-и ҷавон гузаронида шуда, дар он рассомон-ҳаҷвнигорони ҳаваскор ҳунари худро пешкаши тамошобинон мегардонанд.
Маҷаллаи ҳаҷвии «Хорпуштак» дар солҳои аввали фаъолият бо номҳои «Мулло Мушфиқӣ», «Калтак», «Бигиз», «Мушфиқӣ» ва «Хоҷа Насриддин» чоп шуда, номи «Хорпуштак»-ро соли 1953 гирифтааст. Он бо тиражи зиёда аз 100-120 ҳазор нусха дар ҳаҷми 12 саҳифа бо мусаввараҳои ҷолиби пурмазмун моҳе ду маротиба ба табъ мерасид.
Дар ин бора аз Вазорати фарҳанги Ҷумҳурии Тоҷикистон хабар доданд.