Маҳфили рӯнамоии китоби «Забони миллат- ҳастии миллат» дар Суғд

Октябрь 8, 2016 12:01

Душанбе, 08.10.2016. /АМИТ «Ховар»/. Садорати Китобхонаи вилоятии оммавии ба номи Тошхоҷа Асирӣ ба ифтихори таҷлили Рўзи забони давлатӣ маҳфили рўнамоии китоби тозанашри Асогузори сулҳу Ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон «Забони миллат ҳастии миллат»-ро бо иштироку суханронии олимону муҳаққиқон, шоирону нависандагон ва аҳли зиё баргузор намуд.
Маҳфилро сарвари Китобхона Баҳром Мирсаидов бо сухани ифтитоҳӣ оғоз намуд. Дар бораи мақому манзалати забони тоҷикӣ ҳамчун забони давлатӣ, инъикоси ҳаматарафаи масоили таърихи забон дар китоби ёдшуда, сарвари Китобхонаи миллии Тоҷикистон, профессор Сайфиддин Назарзода ҳамаҷониба мулоҳизаронӣ намуда, дар доираи мавзўи «Забони тоҷикӣ пояи миллати тоҷик» баромад намуд.
Дар маърўзаҳои олимон ҷанбаҳои китоб, аз ҷумла матолиб оид ба таърихи забону адабиёт, таърих, мардумшиносӣ, ҷуғрофиё, мабонии шеваю лаҳҷаҳои марказию меҳварии забони модарии мо арзёбӣ гардиданд.
Ҳамчунин гузориши доктори илмҳои филологӣ, сардори Қонуни забони тоҷикӣ ва омӯзиши забонҳои хориҷии Китобхонаи миллии Тоҷикистон Шамсиддин Солеҳов дар мавзӯи «Дидгоҳҳои шинохти забони миллӣ дар китоби «Забони миллат ҳастии миллат» ва чандин нафари дигар маърӯза карданд.
Дар қисмати музокира олимони маъруфи ҷумҳурӣ, профессорон Атахон Сайфуллоев ва профессор Усмонҷон Ғаффоров андешаҳои худро доир ба аҳамияти китоби «Забони миллат ҳастии миллат» иброз доштанд.
Муовини аввали раиси Иттифоқи нависандагони Тоҷикистон, шоир Ато Мирхоҷа доир ба кору пайкори мондагори Пешвои миллат Эмомалӣ Раҳмон изҳори назар намуда, шеъри тозаи хешро, ки бозгўю бозтоби фаъолияти густурдаи Раҳбари муаззами кишвар мебошад, қироат кард.
Дар ин бора аз Хадамоти матбуоти раиси вилояти Суғд ба АМИТ Ховар хабар доданд.

Октябрь 8, 2016 12:01

Хабарҳои дигари ин бахш

СОЛИ МАЪРИФАТИ ҲУКУҚӢ. Ба ин муносибат дар Донишгоҳи байналмилалии сайёҳӣ ва соҳибкории Тоҷикистон ҳамоиш баргузор шуд
Дар Душанбе дар мавзуи «Таҷдиди Саҳми дар сатҳи миллӣ муайяншудаи Тоҷикистон дар соли 2025» ҳамоиш доир гардид
Ба Узбекистон бо интернети мобилӣ аз «Анор»!
Дар Академияи миллии илмҳои Тоҷикистон бахшида ба Рӯзи Ваҳдати миллӣ ҳамоиш баргузор шуд
Ширкати «IRS»: «Шумораи техникаҳои пойгоҳи техникӣ ба 228 адад расид»
ДУРНАМОИ ҲАМКОРИИ ТОҶИКИСТОНУ ЧИН. Дар Душанбе дар ин мавзуъ конфронси байналмилалӣ доир мегардад
Дар Тоҷикистон ҳавои тағйирёбанда пешгӯӣ мешавад
Боз ҳашт корманди ширкати «МегаФон Тоҷикистон» унвони соҳавӣ гирифтанд
ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ЭҲТИЁТ- НИМИ ҲАЁТ! Аз аввали соли равон дар Тоҷикистон 66 нафар ғарқ шуданд
20-21 июн дар баъзе минтақаҳои Тоҷикистон хавфи селҳои маҳаллӣ боқӣ мемонад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд