Машқҳои муштараки хадамоти ҳолатҳои фавқулодаи Тоҷикистону Қирғизистон дар шаҳри Исфара
Душанбе, 27.10.2016 /АМИТ «Ховар»/. Машқҳои дурӯзаи байнисарҳадиии хадамоти ҳолатҳои фавқулодаи Тоҷикистону Қирғизистон дар шаҳри Исфара оғоз гардиданд.
Машқҳои муштарак бо мақсади санҷиши ҳамоҳангии нақшаи мудофиаи гражданӣ ва низоми ягонаи пешгирӣ ва рафъи ҳолатҳои фавқулода дар мавзӯи «Амали сохторҳои наҷотдиҳӣ ҳангоми офатҳои табиии байнисарҳадӣ » гузаронида мешаванд. Ҷиҳати дар сатҳи баланд доир намудани машқҳо аз ҳисоби мутахассисони ситод оид ба ҳолатҳои фавқулодаи вилояти Суғд ва шаҳри Исфара гурӯҳи корӣ таъсис ёфта, 12 хадамоти мудофиаи гражданӣ, дастаи махсуси зудамали наҷотдиҳии вилоят ва зиёда аз 40 адад нақлиёту техникаҳои махсус ҷалб карда шудаанд.
Ҳайати наҷотдиҳандагони Қирғизистон низ бо 22 адад воситаи нақлиёт, 120 адад таҷҳизоту дастгоҳҳо ва зиёда аз 100 воситаи махсус ба макони баргузории машқҳо-шаҳраки Шӯроб ҳозир шуданд.
Дар доираи машқҳо хадамоти ҳолатҳои фавқулодаи ду кишвар амалҳои худро зимни сар задани офати табиӣ бо роҳандозии силсилаи чорабиниҳои иттилоотиву таблиғотӣ намоиш медиҳанд.
Дар ин бора аз Мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
