Олам сухани Камол бигрифт…
Душанбе, 31.10.2016. /АМИТ «Ховар»/. «Нобиғагони тоҷик дар ташаккули илму фарҳанги башарӣ саҳми арзанда гузоштаанд ва яке аз чунин нобиғаи миллат Хоҷа Камоли Хуҷандӣ мебошад. Ин бузургмарди миллат дар арсаи байналмилалӣ мақоми хеле баланд дорад ва, бешак шахсияти ҷаҳонӣ мебошад»,-иброз дошт раиси вилояти Суғд Абдураҳмон Қодирӣ дар конфронси бошукўҳи «Камоли Хуҷандӣ: ташаккули адабиётшиносӣ ва равобити адабӣ», ки 28 октябри соли равон бо иштироки адибони маъруфи тоҷику форс дар Қасри маданияти Арбоб ба кори худ шурўъ кард. Дар ин бора аз Мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.
Зикр гардид, ки сухани баланди Хоҷа Камол аллакай дар замони худи ў оламгир шуда буд, ки гуфтаҳояш гувоҳи онанд:
Олам сухани Камол бигрифт,
Имрўз ҷуз ин сухан сухан нест.
Кори конфронс бахшҳои «Камоли Хуҷандӣ ва масоили адабиётшиносӣ» ва «Камоли Хуҷандӣ: равобити адабӣ, забоншиносӣ ва худшиносии миллӣ»-ро дарбар гирифт.
Воқеан ҳам конфронси мазкур дар тарғиби ғояҳои ватанпарастӣ, худшиносии миллӣ, дурахшонии афзунтари илму маърифат ва густариши равобити фарҳангӣ таъсири амиқ гузошта, саҳифаи тозаеро дар самти камолшиносӣ боз хоҳад намуд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
