Олимон: Қаҳва барои пешгирии заъфи ақл дар пиронсолӣ кумак мекунад

Душанбе, 06.10.2016. /АМИТ «Ховар»/. Олимони Донишгоҳи Висконсин-Милуокии Амрико таҳқиқ карданд, ки истеъмоли қаҳва ба кам кардани эҳтимолияти бемории заъфи ақл дар пиронсолӣ кумак хоҳад кард. Дар ин бора рӯзномаи «Известия» иттилоъ медиҳад.
Мутахассисон муддати 10 сол саломатӣ ва одатҳои хӯрокхӯрии 6,5 ҳазор занони аз 65- сола болоро омӯхтанд. Инчунин дар давоми озмоиш, коршиносон кори мағзи иштирокчиёни ихтиёрии озмоишро назорат намуданд.
Маълум шуд, нафақахӯроне, ки мунтазам қаҳваи кофеиндорро менӯшиданд, камтар гирифтори бемории деменсия мешуданд. Бино ба иттилои «Свободная пресса» шахсе, ки дар як рўз ду пиёла об менӯшид, эҳтимолияти бемориаш то ба 36% паст гардид.
Ба гуфтаи олимон, таъсири мусбати қаҳва дар он аст, ки кофеин метавонад ретсепторҳои кимиёвии махсусро, ки дар синни камолот нодуруст фаъолият намуда, ба фаъолияти минтақаҳои мағзи сар (чун барои хотира ва омӯзиш ҷавобгӯянд) таъсири манфӣ мерасонанд, муҳосира намояд.