Омодагии муассисаҳои таълимии ноҳияи Данғара ба давраи зимистон қаноатбахш аст

Данғара, 01.09.2016. /АМИТ«Ховар»/. Ба иттилои мудири шуъбаи маорифи ноҳияи Данғара, омодагии муассисаҳои таълимии ноҳия  барои зимистонгузаронӣ то ин муддат 95 фоизро ташкил медиҳад. Дар анборҳои муассисаҳои таҳсилоти миёнаи умумии рақамҳои 17 ва 55 миқдори зарурии ангишту ҳезум ва дигар намуди маводи сӯхт захира карда шудааст.  Дигар муассисаҳои таълимии Ҷамоати деҳоти Себистони ноҳияи Данғара низ ба мавсими тирамоҳу зимистон омода карда шудаанд. Дар муассисахои таҳсилоти миёнаи умумии рақами 18 ва 12 ангишту ҳезум ва дигар маводи сӯхт захира карда шуда, барои иловатан захира намудани сӯзишворӣ ассотсиатсияи волидайнро низ ҷалб кардаанд. Инчунин барои ҳар як синфхона ва утоқҳои фаннӣ печҳои барқӣ харид гардидаанд.