Сафири Ӯзбекистон дар Тоҷикистон: «Умед аст, ки муносиботи Тоҷикистону Ӯзбекистон боз ҳам рушд мекунанд»
Душанбе, 25.10.2016 /АМИТ «Ховар»/. Имрӯз дар ҷараёни брифинге, ки дар шаҳри Душанбе доир гардид, Сафири Фавқулода ва Мухтори Ҷумҳурии Ӯзбекистон дар Ҷумҳурии Тоҷикистон Шоқосим Шоисломов хабарнигорони ватанию хориҷиро бо суханронии иҷрокунандаи вазифаи Президенти Ҷумҳурии Ӯзбекистон Шавкат Мирзиёев дар маросими иҷлосияи 33-юми Шӯрои вазирони корҳои хориҷии Созмони ҳамкории исломӣ, ки чанде пештар дар шаҳри Тошканд баргузор шуда буд, шинос кард.
Дар ҷараёни брифинг сафир ба саволи намояндагони ВАО дар мавриди дурнамои муносиботи Тоҷикистону Ӯзбекистон посух дод, ки «умед аст ин муносибот баъди сафари Вазири корҳои хориҷии Ӯзбекистон Абдулазиз Комилов ба Душанбе ва вохӯрии ӯ бо Президенти Ҷумҳурии Тоҷикистон муҳтарам Эмомалӣ Раҳмон, ки зимни он масъалаҳои муҳими ҳамкорӣ байни Тоҷикистону Ӯзбекистон баррасӣ шуданд, ҷараёни тоза мегиранд ва боз ҳам рушд мекунанд».
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
