Шаҳрвандоне, ки маъракаҳои «ҳоҷиошӣ» ва «ҳоҷиталбон»-ро баргузор менамоянд, ҷарима мешаванд
Душанбе, 04.10.2016. /АМИТ «Ховар»/. То охири моҳи сентябри соли равон зиёда аз 70 ҳолати қонуншиканӣ пешгирӣ гардида, нисбат ба 25 ҳолати вайрон гардидани талаботи моддаи 12-уми Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» санадҳои ҳуқуқвайронкунии маъмурӣ тартиб дода шудаанд.
Дар ин бора ба АМИТ «Ховар» Афшини Муқим, сардори маркази матбуоти Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон хабар дода, зикр намуд, ки: «Ин протоколҳо зимни рейдҳои санҷишии гурӯҳи кории Кумита дар ҳамкорӣ бо кормандони бахшҳои оид ба корҳои дин, танзими анъана ва ҷашну маросимҳои шаҳру ноҳияҳои кишвар ҷиҳати назорати риояи моддаи 12-уми Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» тартиб дода шудаанд».
Ба иттилои Афшини Муқим, ҳарчанд аз ҷониби мақоми ваколатдор корҳои фаҳмондадиҳӣ ҷиҳати риояи банди дахлдори қонун анҷом дода мешаванд, вале то ҳол баъзе аз шаҳрвандон дидаву дониста, маъракаҳои манъгардидаи «ҳоҷиошӣ» ва «ҳоҷиталбон»-ро баргузор менамоянд.
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
