«Шабе дур аз Ватан» имрӯз дар ҷашнвораи байналмилалии «Қазоқистон- қалби АвруОсиё» намоиш дода мешавад
Душанбе, 26.10.2016. /АМИТ «Ховар»/. Намоишномаи «Шабе дур аз Ватан» -и Театри давлатии ҷавонон ба номи М. Воҳидов имрӯз дар 6-умин ҷашнвораи байналмилалии театрии кишварҳои Осиёи Марказӣ бо номи «Қазоқистон- қалби АвруОсиё» намоиш дода мешавад.
Ин ҷашнвораи байналмилалӣ дар шаҳри Талдиқурғони Ҷумҳурии Қазоқистон 22 октябр ба кор шурӯъ карда, тибқи барномаи ҷашнвора «Шабе дур аз Ватан» имрӯз соати 15: 00 дар театри шаҳри Талдиқурғон ба намоиш гузошта шудааст.
Ин ҷашнвораи байналмилалӣ ба 25-умин солгарди Истиқлолияти давлатии Қазоқистон бахшида шуда, бо мақсади тақвияти ҳамкории кишварҳои Осиёи Марказӣ бо Ҷумҳурии Қазоқистон дар соҳаи фарҳангу ҳунар, рушди санъати театрӣ, дастгирии корҳо ва ташаббусҳои эҷодӣ, ҳамчунин бештар намудани таваҷҷуҳи ҷомеа ба намоишномаҳои театри муосир ташкил гардидааст.
Дар ҷашнвора аз кишварҳои Осиёи Марказӣ 7 театр иштирок дорад, ки онҳо то 27-уми октябр намоишномаҳоро пешниҳоди тамошобинон менамоянд.
Ёдовар мешавем, ки «Шабе дур аз Ватан» аз намоишномаҳои маъруфи театри ҷавонон буда, онро коргардон Нозим Меликов аз рӯи асари шоири шинохтаи тоҷик Бозор Собир таҳия намудааст. Моҳпайкар Ёрова, Абдумӯъмин Шарифӣ ва Сӯҳроб Ҷанҷолов нақшҳои асосиро дар намоиш иҷро мекунанд.
«Шабе дур аз Ватан» аз ҷумлаи намоишномаҳое мебошад, ки то кунун дар чандин ҷашнвораҳои байналмилалии театрӣ ва озмунҳо иштирок намуда, соҳиби дипломҳо ва ифтихорномаҳо гардидааст.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
