Соли 2017 дар мамлакат «Соли рушди туризми устувор» эълон мешавад

Душанбе. 03.10.2016. /АМИТ «Ховар»/. Зимни мулоқоти Ризо Назрзода, муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо сафири Ҷумҳурии Тоҷикистон дар Ҷумҳурии Корея Юсуф Шарифзода ва роҳбари ширкати сайёҳии «AMEKS TRAVEL» Аҳн Байнг Чул ҳамкории кишварҳо дар соҳаи сайёҳӣ, масъалаҳои марбут ба имкониятҳои сармоягузорӣ дар соҳаи туризм, баланд бардоштани малакаи кории мутахассисони соҳа, ҷалби туристон ба кишвар ва дигар масоили ин соҳа мавриди баррасӣ қарор гирифтанд.
Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд.
Дар мулоқот Ризо Назарзода вобаста ба имкониятҳои соҳаи сайёҳӣ дар кишвар гуфт: «Мо ният дорем барои рушд додани туризм соли 2017-ро «Соли рушди туризми устувор» эълон намоем».