Суғд: дар амалиёти «Нелегал-2016» нисбат ба шаҳрвандони хориҷӣ шаш адад парвандаи ҳуқуқвайронкунии маъмурӣ оғоз гардид
Душанбе, 5.10.2016 /АМИТ «Ховар»/. Шурӯъ аз 19 сентябри соли равон дар миқёси вилояти Суғд марҳилаи дуюми амалиёти махсуси «Нелегал» оғоз гардид, ки он то 7 октябр идома мекунад.
Бояд гуфт, ки то 27сентябри соли равон аз ҷониби гурӯҳи кории Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд нисбат ба шаҳрвандони хориҷӣ чор адад парвандаи ҳуқуқвайронкунии маъмурӣ оғоз ва баррасӣ гардида, айни замон ду парвандаи дигар дар марҳилаи баррасӣ қарор дорад.
Ин парвандаҳои ҳуқуқвайронкунии маъмурӣ нисбат ба шаҳрвандони Федератсияи Русия, Чин ва Покистон оғоз шудаанд.
Дар ин амалиёт бахши Хадамоти муҳоҷират дар фурудгоҳи байналмилалии Хуҷанд ва истгоҳи роҳи оҳан, ҳамчунин дар шаҳри Бӯстон фаъол мебошад.
Дар ин бора аз маркази матбуоти Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ доданд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
