Суғд: Гусели 1600 наваскарони ихтиёрӣ ба сафи Қувваҳои Мусаллаҳ
Душанбе. 08.10.2016, /АМИТ «Ховар»/. Дирӯз дар Амфитеатри назди Қасри Арбоби ноҳияи Бобоҷон Ғафуров бахшида ба гусели 1600 нафар наваскарон аз шаҳру навоҳии вилояти Суғд ба хизмати ҳарбӣ, чорабинии ботантана баргузор гардид.
Дар чорабинии мазкур, раиси вилояти Суғд Абдураҳмон Қодирӣ, намояндагони комиссариати ҳарбии шаҳру навоҳии вилоят, волидону собиқадорони меҳнат, омӯзгорону донишҷӯёни донишгоҳҳои маркази вилоят ширкат намуданд.
Зимни баромади худ Абдураҳмон Қодирӣ ба даъватшавандагон роҳи сафеду хизмати бобарорро таманно намуда, аз ҷумла зикр намуд, ки: Хизмат дар сафҳои Қувваҳои Мусаллаҳ вазифаи ҳар як шаҳрванди кишвар ба ҳисоб рафта, он барои насли наврас муҳимтарин мактаби обутоби ҳаётӣ мебошад.
Инчунин номбурда зикр кард, ки Имрӯзҳо фаъолияти қисмҳои низомӣ, шароити хизмати аскарон дар онҳо, пайваста дар мадди назари Асосгузори сулҳу Ваҳдати миллӣ-Пешвои миллат, Президенти мамлакат, Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон қарор дошта, дар ҳамаи ҷузъу томҳои Артиши миллӣ шароити мусоиди ҷавобгӯ ба талаботи ҷаҳони муосир барои хизмати ҷавонон муҳайё гардидаанд.
Баҳри болидахотирии даъватшавандагон бо ҳузури волидонашон барномаи фарҳангӣ-фароғатӣ доир гардид.
Дар ин бора аз Хадамоти матбуоти раиси вилояти Суғд ба АМИТ Ховар хабар доданд.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
