Таҷлили Рӯзи Фалак -арҷгузорӣ ба таърих ва эҳёи ин санъати таърихист

Кӯлоб, 10.10.2016 /АМИТ «Ховар»/. Ҳамасола 10 октябр бо Қарори Ҳукумати Ҷумҳурии Тоҷикистон ҳамчун Рӯзи фалак- жанри маъмулу таърихӣ таҷлил карда мешавад. Имрӯз бахшида ба Рӯзи Фалак дар Театри мусиқӣ- мазҳакавии ба номи Саидалӣ Вализодаи шаҳри Кӯлоб бо иштироки доираи васеи зиёиён ва беҳтарин фалаксароён маҳфили идона баргузор гардид.
Зикр шуд, ки эълон доштани 10 октябр чун Рӯзи фалак- арҷгузорӣ ба таърих ва эҳёи ин санъати таърихист.
Ҳунармандони ҷавон ва хушсалиқа дар пайравӣ ба мактаби бузургони фалаксаро- Одина Ҳошим, Ҳотам Юнус, Қодир Шокир, Давлатманди Хол, Гулчеҳраи Содиқ, Сурайёи Қосим ва дигарон аз баландтарин саҳнаҳои ҳунарӣ ин жанри қадимиро густариш медиҳанд.
Дар охир ҳунармандон бо иҷрои таронаҳои дилнишин аз фалаки даштии роғӣ табъи ҳозиринро болида гардониданд.