Валентина Матвиенко имрӯз бо сафари расмӣ ба Душанбе меояд
Душанбе, 12.10.2016/ АМИТ «Ховар»/. Имрӯз Валентина Матвиенко- Раиси Шӯрои Федератсияи Маҷлиси Федералии Федератсияи Русия бо сафари расмӣ ба Ҷумҳурии Тоҷикистон меояд. Дар ин бора ба АМИТ «Ховар» аз Маҷлиси миллии Маҷлиси Олии Ҷумҳурии Тоҷикистон иттилоъ доданд. Интизор меравад, ки Валентина Матвиенко дар ҷараёни сафари расмӣ ба Тоҷикистон дар Форуми байнипарлумонии «Тоҷикистон- Русия: неруи ҳамкории байниминтақавӣ», ки фардо дар Душанбе доир мегардад, иштирок намояд.
Раиси Шӯрои Федератсияи Маҷлиси Федералии Федератсияи Русия Валентина Матвиенко ҳамчун рамзи эҳтиром ба таърихи давлатдории тоҷикон дар пояи муҷассамаи Исмоили Сомонӣ дар Маҷмааи меъмории «Ваҳдати миллӣ ва эҳёи Тоҷикистон», воқеъ дар майдони «Дӯстӣ»-и Душанбе гулчамбар мегузорад.
Ҳамзамон Раиси Шӯрои Федератсияи Русия Валентина Матвиенко бо Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев ва Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров мулоқот намуда, масоили муҳими ҳамкории мутақобилан судманд, бахусус тавсеаи равобити байнипарлумони Тоҷикистону Русияро баррасӣ менамоянд.
Ҳайати парлумонии Русия таҳти роҳбарии Валентина Матвиенко ҳамзамон аз мавзеъҳои зебоманзари Душанбе, ба мисли Боғи «Ирам» ва Маҷмааи «Кохи Наврӯз» боздид менамояд.
Интизор меравад, ки зимни сафари расмии Валентина Матвиенко дар Душанбе вохӯрии ҳайати парлумонии Шӯрои Федератсияи Маҷлиси Федералии Федератсияи Русия бо роҳбарони вазорату идораҳои марбута ва раисони вилояту шаҳру навоҳии Тоҷикистон доир гардад.
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
