ВКД : «Бар асари сӯхтор дар бинои «Пойтахт-80» ягон нафар зарари ҷисмонӣ набардоштааст»
Душанбе, 07.10.16. /АМИТ «Ховар»/. Дар бинои истиқоматиии «Пойтахт-80» 6 октябр сӯхтор ба амал омада, ба чанд хона зарар расонид. Тавре сомонаи расмии ВКД хабар медиҳад, дирӯз баъди зуҳр, соати 14:14, дар хонаи истиқоматии шаҳрванд Насиба Абдуллоеваи 27-сола, воқеъ дар хиёбони Рӯдакӣ-55, ошёнаи 4-уми бинои 12-ошёна сӯхтор ба амал омада, ки дар натиҷа тамоми таҷҳизоти хона сӯхта нобуд шудааст. Алангаи оташ ҳамчунин ба дигар хонаҳо паҳн шуда, қисман зарар расонидааст.
Ба иттилои манбаъ, дарҳол ба ҷойи ҳодиса як мошини нардбондор ва ду мошини оташнишонии Хадамоти оташнишонии ВКД ҶТ расида омада, соати 14:45 оташро бе паҳншавӣ ба дигар ашёву иншоот хомӯш намуданд.
Бар асари сӯхтор ягон нафар зарари ҷисмонӣ набардоштааст. Масъулин сабаби сӯхторро аз расиши кӯтоҳи ноқилҳои барқӣ медонанд.
Бояд зикр кард, ки барои эмин нигоҳ доштани моликияти шаҳрвандон аз сӯхтор, кормандони мақомот ҳамарӯза дар нуқтаҳои савдо, бозорҳо, корхонаву муассисаҳо ва маҳаллаҳо вохӯриву суҳбатҳо гузаронида, тавассути барнома ва видеороликҳо дар телевизон мунтазам аҳолиро аз оқибати харобиовари сӯхтор воқиф менамоянд.
Новобаста аз ин, дар 6 моҳи соли равон 607 (2015 -547) ҳодисаи сӯхтор ба қайд гирифта шуда, дар натиҷа 6 нафар ҳалок ва 20 нафар ҷароҳат бардоштанд. Маблағи зарар зиёда аз 3 миллиону 150 ҳазор сомониро ташкил медиҳад.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
