Ёдкарди Мавлонои Балхӣ дар толори «Булбулон»
Душанбе, 01.10.2016/АМИТ «Ховар»/. 809- солагии зодрӯзи шоир ва мутафаккири бузурги машриқзамин Мавлоно Ҷалолиддини Балхӣ шоми 30 сентябр дар толори «Булбулон»-и Китобхонаи миллии Тоҷикистон бо ибтикори Сафорати Ҷумҳурии Туркия дар Ҷумҳурии Тоҷикистон таҷлил гардид.
Дар ҷамъомади фарҳангии гиромидошти шоир ва орифи барҷастаи тоҷику форс Мавлоно Ҷалолиддини Балхӣ фарҳангиёни кишварҳои Тоҷикистон, Афғонистон, Эрон, Туркия, сафирон ва намояндагиҳои дипломатии кишварҳои муқими Тоҷикистон иштирок доштанд.
Фатиҳ Қаҳраман, Кордори Сафорати Ҷумҳурии Туркия дар Ҷумҳурии Тоҷикистон дар назди ҷамъомадагон доир ба мероси арзишманду ҷаҳонии Мавлоно, маҳбубияти Мавлоно дар Туркия ибрози назар намуда, гуфт, ки зодрӯзи Мавлоно дар Туркия дар сатҳи баланд таҷлил гардида, дар он роҳбарону намояндагони баландпояи Туркия, мавлоношиносон ва дӯстдорони каломи Мавлоно ширкат менамоянд. Ҳамзамон дар ҷамъомади фарҳангӣ Абдулғафури Орзу- Сафири Афғонистон дар Тоҷикистон, Эмрулаҳ Кая, мушовир оид ба корҳои дини Сафорати Туркия дар Тоҷикистон, шоира Гулрухсор ва дигар донишмандону муҳаққиқон ва мавлоношиносон доир ба ҳаёт ва мероси бузурги фарҳанги Мавлоно, нақши ин бузургмарди олами тасаввуф дар ташаккули адабиёти асримиёнагии тоҷику форс ва андешаҳои инсонпарваронаю таҳаммулпазирии осори оламшумули шоир Мавлоно Ҷалолиддини Балхӣ ибрози назар намуданд.
Ба маҳфили фарҳангӣ ҳунармандони Театри «Аҳорун» бо барномаи рангин, хусусан рақси «Самоъ» шукӯҳи тоза бахшиданд.
Бояд тазаккур дод, ки Мавлоно Ҷалолиддини Балхӣ 30 сентябри соли 1207 дар Балх ба дунё омада, дар шаҳри Қунияи Рум фаъолият ва зиндагӣ намуда, дар соли 1273 дар Рум вафот кардааст. Алҳол оромгоҳаш дар шаҳри Қунияи Туркия қарор дошта, зиёратгоҳи ҳазорон дӯстдорони каломи бадеъ аст.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
