«Зангўлаҷон зангўла», «Як рўзи офтобӣ», «Маҳвора дар гаҳвора» ва дигар китобҳои кӯдакона дар КМТ
Душанбе, 19.10.2016. /АМИТ «Ховар/. Имсол бори аввал 578 нусха китобҳои тозанашр барои кўдакони аз 3 то 7-сола вориди фонди шуъбаи нигоҳдории китоби Китобхонаи миллии Тоҷикистон шуд. Инҳо маҷмўаи шеърҳои кўдаконаи «Зангўлаҷон зангўла»-и З. Соҳибназар, ҳикояи «Як рўзи офтобӣ»-и Ҳ. Имодӣ, маҷмӯаи шеърҳои кӯдаконаи Низом Қосим «Маҳвора дар гаҳвора», маҷмӯаи шеърҳо барои хурдтаракони С.Маъмур «Алвончак», маҷмӯаи шеърҳои кўдаконаи У. Раҷаб «Олуча гули бодом» ва ғайра мебошанд.
Мазмун ва мўҳтавои адабиёти тозанашри воридшуда аз чистонҳо, қисса, ҳикояҳо, тезгўякҳо, шеърҳо ва афсонаҳо иборат мебошад. Маҷмўаҳо бо ҳусну латофат ороиш ва зебу зинат дода шудаанд, ки диққати хонандаи хурдсолро ба худ ҷалб менамоянд.
Дар ин бора аз Китобхонаи миллии Тоҷикистон ба АМИТ «Ховар» хабар доданд.
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
