97 фоизи талаботи соҳаҳои иқтисодӣ ва иҷтимоии ҷумҳурӣ бо ангишт таъмин гардид

Душанбе, 16.11.16. /АМИТ «Ховар»/. Мувофиқи маълумоти фаврӣ истихроҷи ангишт аз аввали сол то 15 ноябри соли равон ба зиёда аз 1 млн. 200 ҳазор тонна расонида шуд, ки нисбат ба ҳамин давраи соли сипаригардида 277 ҳазор тонна зиёд мебошад.
Тавре ки аз Вазорати саноат ва технологияҳои нави Ҷумҳурии Тоҷикистон хабар доданд, захираи ангишт то 15 ноябри соли равон дар анбори корхонаҳои соҳа бо назардошти бақияи соли сипаригардида 131 ҳазор тоннаро ташкил медиҳад.
Фурўши ангишт дар ин давра ба 1 млн. 235 ҳазор тонна расонида шуд, ки 41,7 фоизи он ба Маркази барқу гармидиҳии Душанбе-2 рост меояд. Дар маҷмўъ бо назардошти бақияи ангишти соли сипаригардида 97 фоизи талаботи соҳаҳои иқтисодӣ ва иҷтимоии ҷумҳурӣ бо ангишт таъмин гардид.