Ҳайати Кумитаи ҳолатҳои фавқулода ва мудофиаи гражданӣ барои ширкат дар ҷаласаи байнидавлатии ИДМ ба Маскав рафт
Душанбе, 17.11.2016. /АМИТ «Ховар»/. Дирӯз ҳайати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо сарварии муовини аввали раиси Кумита Рустам Шоҳиён ҷиҳати ширкат дар ҷаласаи байнидавлатии Шӯрои ҳолатҳои фавқулодаи табиӣ ва техногении кишварҳои ИДМ ба Маскав сафар кард.
«Ширкаткунандагони ҷаласа фаъолияти Шӯроро дар солҳои 2015-2016 ва чораҳо дар мавриди такмили ҳамкорӣ, нақшаи санҷишҳои назоратии байниҳамдигарии кишварҳои узви ИДМ оид ба ҳолатҳои фавқулодаи табиӣ ва техногенӣ, масъалаи интихоби раиси навро баррасӣ мекунанд»,-хабар доданд аз Кумитаи мазкур.
«Бо мақсади такмили заминаи шартномавиву ҳуқуқии ҳамкорӣ аъзои Шӯро масъалаи иҷрои Нақшаи барномаҳо оид ба татбиқи марҳилаи сеюм (солҳои 2016-2020)-и «Стратегияи рушди иқтисодии ИДМ дар давраи то соли 2020»- ро мавриди баҳс қарор медиҳанд»,-таъкид кард манбаъ.
Дар ҷаласа баррасии масъалаҳои омодасозӣ ва бозомӯзии кадрҳо, ҳамчунин ҳамкории наздисарҳадӣ дар доираи ИДМ оид ба пешгирӣ аз вазъи фавқулодаи наздисарҳадӣ низ дар назар аст.
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
