Анҷоми сохтмони бинои замонавӣ дар Ҷамоати Тусиёни ноҳияи Роштқалъа ба санаи таърихии халқи тоҷик-Конститутсияи Тоҷикистон рост омад

Ноябрь 5, 2016 13:14

Хоруғ, 05.11.2016. /АМИТ «Ховар»/. Бинои ҷамоати Тусиёни ноҳияи Рошқалъа дар аввали солҳои шастуми асри гузашта бунёд ёфт, ки ҳамагӣ аз се утоқи тангу торик иборат буд. Раиси ин ҷамоат Манзура Раҷаббекова гуфт, ки «ҳатто ҷой барои ҳифз ва нигаҳдории ҳуҷҷату санадҳо вуҷуд надошт. Дар рӯзи қабули шаҳрвандон маҷбур будем арзу шикояти шаҳрвандонро дар саҳни бино қабул намоем. Бинобар ин ду сол пеш ба унвони Дастгоҳи иҷроияи Президенти ҷумҳурӣ муроҷиат карда, барои беҳтар намудани шароити корамон хостори кумак шудем. Бо дастури Сарвари давлат худи ҳамон сол ба сохтмони ин бино шурӯъ карданд ва баъди ду сол онро ба анҷом расонданд. Бинои мазкур аз ду ошёна, 7 утоқи корӣ, даҳлези васеъ ва толори барои 200 ҷои нишаст иборат аст». Раиси ҷамоат изҳор намуд, ки «акнун мо барои баргузории ҷаласа, мулоқоту суҳбатҳо бо сокинони ҷамоат имконияти хуб пайдо намудем. Дар ин ҷо ҳатто баъзе аз барномаҳои фарҳангиро низ доир кардан мумкин аст».
Ин биноро шуъбаи сохтмони асосии мақомоти иҷроияи ҳокимияти давлатии вилоят маблағгузорӣ намуд. Сардори шуъбаи мазкур Шероз Абдуллоев гуфт, ки «Тусиён яке аз ҷамоатҳои калонтарини на танҳо ноҳияи Роштқалъа, балки вилоят ба шумор меравад. Аз ин рӯ мо кӯшиш кардем, ки ҳам утоқҳои корӣ ва ҳам маҷлисгоҳ васеъ ва барҳаво бошанд».
Дар ифтитоҳи бинои нав раиси ВМКБ Шодихон Ҷамшед ширкат дошта, изҳор намуд, ки «анҷоми сохтмон ба санаи муҳим ва таърихии халқи тоҷик- яъне Конститутсияи Ҷумҳурии Тоҷикистон рост омад. Маҳз ҳамин санади сарнавиштсоз қонунро дар кишвари мо ҳоким сохт ва фаъолияти кулли сохторҳои давлатиро ба танзим оварду ҳаёти мардуми кишварро ба роҳи осудаву ором ҳидоят намуд. Дар таҳия ва қабули ин бахтномаи миллат нақши фарзанди фарзонаи миллат, Президенти ҷумҳурӣ Эмомалӣ Раҳмон беназир аст».
Раиси вилоят аз масъулини ҷамоат даъват кард, ки бахшида ба Рӯзи Президент, ки 16 ноябр дар саросари ҷумҳурӣ таҷлил карда мешавад, барои ҳамдеҳагони худ барномаи ҷолиби фарҳангию маърифатӣ баргузор намоянд.

Ноябрь 5, 2016 13:14

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт