Ҷашнвораи байналхалқии миллӣ-фарҳангии зебоӣ ва малоҳат- «Мисс Осиё» зебосанамони тоҷикро интизор аст
Душанбе, 03.11.2016 /АМИТ «Ховар»/. Ассамблеяи ҷавонони халқҳои Русия, Оҷонсии «East project» ва Иттифоқи халқҳои осиёии Русия зебосанамони тоҷикро барои иштирок дар Ҷашнвораи байналхалқии миллӣ-фарҳангии зебоӣ ва малоҳат «Мисс Осиё» даъват менамояд. Дар ин бора аз Вазорати фарҳанги ҶТ ба АМИТ «Ховар» хабар доданд.
Даври ниҳоии озмун- ҷашнвора 10 декабри соли равон дар толори консертии «Вегас Сити Холл» баргузор мегардад. Барои иштирок дар ҷашнвора зебосанамони халқҳои кишварҳои Осиё, ки шартҳои низомномаи ҷашнвораро қабул мекунанд, даъват карда мешаванд.
Иштирокчиён бояд фарҳанг, анъана ва зебоии миллати худро ҳамаҷониби муаррифӣ ва тарғиб карда, аз уҳдаи намоиши зебоии табиӣ, ташаккули зеҳнӣ ва эҷодӣ, муҳаббат ба халқ ва фаъолии шаҳрвандии худ баромада тавонанд.
Мақсад аз баргузории ҷашнвора таҳкими сулҳу дӯстии байни халқҳо, оммавӣ кардани фарҳанги мухталифи халқҳои гуногуни АвруОсиё, таҳкими робитаҳои байналмилалии ҷавонон, тарғиби симои зебо ва боназокату хуштарбияи бонувони Осиё мебошад.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
