Баррасии имкониятҳои сайёҳии Тоҷикистон бо Бонки ҷаҳонӣ

Душанбе, 19.11.2016. /АМИТ «Ховар»/. Ҳамкории мутақобилан судманди Бонки ҷаҳонӣ бо Ҷумҳурии Тоҷикистон дирӯз, 18 ноябри соли 2016 дар Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон зимни мулоқоти муовини раиси Кумита Ризо Назарзода бо София Жукова, намояндаи Бонки ҷаҳонӣ баррасӣ гардид.
Зимни мулоқот ҷонибҳо масъалаҳои рушд ва муаррифии имкониятҳои сайёҳии Ҷумҳурии Тоҷикистон, инчунин рушди инфрасохтори сари роҳ, нақлиёт ва хизматрасониро баррасӣ намуда, вобаста ба пешниҳоди лоиҳаҳои инвеститсиоӣ табодули андеша намуданд.
Аз ҷониби роҳбарияти Кумита имконият ва захираҳои бойи туристии Тоҷикистон, ки имрӯз аз ҷониби ташкилот ва созмонҳои бонуфуз баҳои баланд гирифтаанд, ёдовар гардиданд.
Ҳамзамон зикр шуд, ки дар Тоҷикистон туризми экологӣ, кӯҳнавардӣ ва дигар намудҳои сайёҳӣ рушд мекунанд.