Баррасии масъалаҳои ҳамкорӣ миёни Тоҷикистон ва БРСММ
Душанбе, 24.11.2016 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷидин Аслов бо ҳамоҳангсози доимии тозатаъйини СММ ва Намояндаи доимии Барномаи рушди СММ (БРСММ) дар Тоҷикистон хонум Пратибҳа Мехта 23 ноябр дар Душанбе мулоқот намуд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
«Зимни мулоқот масъалаҳои ҳамкорӣ миёни Тоҷикистон ва БРСММ мавриди баррасӣ қарор гирифтанд. Вазири корҳои хориҷӣ аз БРСММ барои кумак дар раванди таҳияи «Стратегияи нави рушди Ҷумҳурии Тоҷикистон то соли 2030» ва баргузории Ҳамоиши байналмилалии сатҳи баланд оид ба ҳадафи шашуми рушди устувор ва вазифаҳои вобаста ба он (9-11 августи 2016, ш. Душанбе) арзи сипос намуд»,- гуфта мешавад дар иттилоияи ВКХ ҶТ.
Дар анҷоми суҳбат П. Мехта эътимодномаи худро ба Вазири корҳои хориҷии Ҷумҳурии Тоҷикистон супорид.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
