Дар Балчувон Шўрои олимон ва муҳаққиқони ҷавон имкониятҳои ҷалби сайёҳонро ба мавзеи Сари Хосор баррасӣ намуд

Қӯрғонтеппа, 11.11.2016 /АМИТ «Ховар»/. Дастгирӣ ва ҳавасманд намудани олимону муҳаққиқони ҷавон яке аз ҳадафҳои муҳими пешгирифтаи роҳбарияти давлату ҳукумати Ҷумҳурии Тоҷикистон ва сиёсати давлатии ҷавонон мебошад.
Тавре аз Раёсати ҷавонон, варзиш ва сайёҳии вилояти Хатлон иттилоъ доданд, бо ин мақсад дар доираи фаъолияти Шӯрои олимон ва муҳаққиқони ҷавони назди Раёсати ҷавонон, варзиш ва сайёҳии вилояти Хатлон дар мавзеи Сари Хосори ноҳияи Балҷувон ҷаласаи Шӯрои олимон ва муҳаққиқони ҷавони вилоят ва Конфронси сайёҳӣ дар мавзӯи «Истифодаи самараноки иқтидори сайёҳии вилоят. Имкониятҳои ҷалби сайёҳон ба мавзеи Сари Хосор» баргузор гардид.
Дар доираи конфронс ба масъалаои пешгирии омилҳои номатлуб миёни наврасону ҷавонон, андешидан ва амалӣ намудани чораҳо барои дастгирии олимону муҳақиқони ҷавон дар соҳаҳои гуногун, истифодаи самараноки неруи олимони ҷавон барои корҳои илмӣ дар самти сайёҳӣ ва омодасозии мутахассисони соҳаи сайёҳӣ таваҷҷуҳи махсус зоҳир гардид.
Ҳамчунин дар доираи конфронси мазкур олимони ҷавон аз муассисаҳои олии вилоят, намояндагони ширкатхои сайёҳии маҳаллӣ ва соҳибкороне, ки дар самти сайёҳӣ фаъолият менамоянд, иштирок карданд.