Дар Душанбе ба ифтихори Рӯзи Конститутсия сайругашти оммавӣ доир мешавад

Ноябрь 4, 2016 15:54

Душанбе, 04. 11.2016 /АМИТ «Ховар»/. Бо мақсади дар сатҳи баланд ва хотирмон таҷлил намудани Рӯзи Конститутсияи Ҷумҳурии Тоҷикистон мақомоти иҷроияи ҳокимияти давлатӣ дар шаҳри Душанбе нақшаи барномаҳои идонаро тарҳрезӣ намудааст. Аз шуъбаи фарҳанги шаҳри Душанбе ба АМИТ «Ховар» иттилоъ доданд, ки 6 ноябр аз субҳ дар Боғи устод Рӯдакӣ, боғҳои фарҳангу фароғатии «Дӯстии халқҳо», «Кӯли ҷавонон» ва Майдони «800-солагии Маскав» намоиши идона барпо гардида, ҳунармандони ансамблҳои Кумитаи телевизион ва радиои назди Ҳукумати Ҷумҳурии Тоҷикистон-«Шашмақом», «Фалак», «Дарё», «Ориё», «Гулрез», ансамблҳои Филармонияи давлатии Тоҷикистон, аз ҷумла дастаҳои «Гулшан», «Зебо» , «Ҷаҳоноро» ва овозхонҳои дастаҳои дигари ҳунарӣ барномаи рангини идонаро пешкаши сокинон ва меҳмонони пойтахт мегардонанд.
muhammadrofiҲамзамон дар ин рӯз бо мақсади пурнозу неъмат гардонидани дастархони идонаи сокинони пойтахт ва болида намудани рӯҳияи шаҳрванон дар тамоми боғҳои фарҳангу фароғатии шаҳр сайругашти оммавии сокинон, намоиш ва фурӯши маҳсулоти кишоварзӣ, кулчагию қаннодӣ ташкил карда мешавад.
Хотиррасон менамоем, ки 22 сол муқаддам, аниқтараш 6 ноябри соли 1994 тавассути баргузории раъйпурсии умумихалқӣ Конститутсияи Ҷумҳурии Тоҷикистон дар шароити хеле мураккаб ва сарнавиштсоз қабул гардид. Бо қабули Конститутсияи Ҷумҳурии Тоҷикистон дар кишварамон пояҳои давлатдории миллӣ гузошта шуданд. Бо назардошти равандҳои рушди ҷомеаи муосир дар зарфи 22 сол се маротиба- солҳои 1999, 2003 ва моҳи майи соли 2016 ба Конститутсияи Ҷумҳурии Тоҷикистон тағйиру иловаҳо ворид карда шуданд.

Ноябрь 4, 2016 15:54

Хабарҳои дигари ин бахш

Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид
«ПРЕЗИДЕНТ — КАФИЛИ ДАВЛАТИ ҲУҚУҚБУНЁДУ ДЕМОКРАТӢ». Дар ин мавзуъ конференсияи ҷумҳуриявӣ доир шуд