Дар Душанбе иҷлосияи ҳаштуми Маҷлиси миллӣ даъват карда мешавад

Душанбе,04.11.2016/АМИТ «Ховар»/. 8 ноябри соли 2016 дар шаҳри Душанбе иҷлосияи ҳаштуми Маҷлиси миллии Маҷлиси Олии Ҷумҳурии Тоҷикистон даъвати панҷум доир мегардад. Дар ин бора Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев қарори дахлдор ба имзо расонд.
Аз Палатаи болоии Парлумони Тоҷикистон ба АМИТ «Ховар» иттилоъ доданд, ки аъзои Маҷлиси миллӣ қонунҳои Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон», «Оид ба ворид намудани тағйиру илова ба Кодекси гумруки Ҷумҳурии Тоҷикистон», «Оид ба ворид намудани иловаҳо ба Кодекси оилаи Ҷумҳурии Тоҷикистон» ва «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи мақомоти амнияти миллии Ҷумҳурии Тоҷикистон» ва «Дар бораи рамзҳои давлатии Ҷумҳурии Тоҷикистон»-ро баррасӣ ва ҷонибдорӣ менамоянд.
Инчунин дар иҷлосияи ҳаштуми Маҷлиси миллӣ баррасии масъалаҳои марбут ба иваз намудани номи баъзе маҳалҳои аҳолинишини кишвар дар назар дошта шудааст.