Дар мулоқоти Рамазон Раҳимзода бо Хаҷиме Китаока масоили вобаста ба гардиши ғайриқонунии маводи мухаддир баррасӣ шуданд
Душанбе, 17.11.2016. /АМИТ «Ховар»/. Имрӯз дар Вазорати корҳои дохилии ҶТ вохӯрии Вазири корҳои дохилии Ҷумҳурии Тоҷикистон Рамазон Раҳимзода бо Сафири Фавқулода ва Мухтори давлати Ҷопон дар Ҷумҳурии Тоҷикистон Хаҷиме Китаока доир шуд. Дар ин бора аз Вазорати корҳои дохилии Ҷумҳурии Тоҷикистон хабар доданд.
«Ҷонибҳо зимни мулоқот атрофи масоили ҳамкории дуҷониба ва бисёрҷониба дар самти мубориза бар зидди зуҳуроти номатлуб, аз қабили терроризм, экстремизм, гардиши ғайриқонунии маводи мухаддир, силоҳ, ҳамчунин омода намудани кадрҳои баландихтисос, расонидани кумак вобаста ба таҷҳизоти тиббӣ ва дигар мавзӯъҳои мавриди таваҷҷуҳ ибрози андеша намуданд»,-мегӯяд манбаъ.
Сафири Фавқулода ва Мухтори давлати Ҷопон дар Ҷумҳурии Тоҷикистон Хаҷиме Китаока зикр кард, ки амнияти Ҷумҳурии Тоҷикистон барои давлати Ҷопон бисёр муҳим мебошад.
«Давлати Ҷопон бо Ҷумҳурии Тоҷикистон дар ҳамаи самтҳо, аз ҷумла, иқтисодӣ, иҷтимоӣ ва фарҳангӣ ҳамкории хуб ба роҳ монда, умедвор аст, ки ин ҳамкорӣ боз ҳам равнақу ривоҷ хоҳанд ёфт»,-гуфт сафир.
Дар мулоқот зикр шуд, ки минбаъд равобити дуҷониба дар самти мубориза бар зидди таҳдиду хатарҳои ҷаҳони муосир тақвият меёбанд.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
